El Real Oviedo tornaba a casa para midise al CD Tenerife nun nuevu compromisu ligueru onde'l conxuntu azul buscaba tornar a la sienda de la victoria. Para esti alcuentru, el técnicu catalán allinió un once formáu por: Leo Román, Viti, Oier Luengo, Dani Calvo, Abel Bretones, Jimmy, Colombatto, Seoane, Sebas Moyano, Paulino y Alemão.
Salió bien al partíu'l Real Oviedo que dende'l primer minutu foi dueñu de la posesión y goció de les más clares para ponese per delantre nel marcador. Alemão, nel 12', raspió'l 1-0 pero'l brasileñu nun contactó col balón tres un bon centru dende la banda y l'oportunidá perdióse pa los uvieinos. Los carbayones siguiron intentándolo poles bandes anque ensin muncha claridá nos metevos finales.
El pasu de los minutos fixo qu'el CD Tenerife tamién creciera nel partíu y tres un acción bien paecida a la de Alemão onde l'atacante del combináu tinerfeñu tampoco llograba rematar a puerta, Jeremy Mellot sacóse un buen disparo dende dientro d'área para poner el primeru. 0-1 y xarru d'agua frío para l'afición oviedista.
Los de Luis Carrión merecieronse marchar con un tanto nel so casillero pero Oier Llongu, na más clara de la primer parte pa los asturianos, unvió con un testerazu'l balón a la madera. Descansu y tola segunda parte inda per delantre para da-y la vuelta al partíu.
El técnicu del Real Oviedo decidió meter a Masca en llugar de Jimmy tres el pasu por vestuarios y la reacción carbayona foi inmediata. Masca primero y Alemão, minutos más tarde, tuvieron dos causes perclares para empatar el choque anque los sos remates coláronse fora. Sebas Moyano, darréu, unvió'l balón al poste tres un bon remate dende la frontera y el cuadru local siguía afalagando un tanto que nun llegaba. Millán y Bastón tamién ingresaron al terrén de xuegu por Alemão y Sebas Moyano y d´esta forma Luis Carrión ponía tola carne nel asador pa buscar, siquier, sumar un puntu.
Les ocasiones y oportunidaes siguíen aumentáu pa los uvieinos pero la meta Juan Sorianu siguía cola so meta a cero. Lucas ahijado y Borja Sánchez fueron los últimos cambeos uvieinos cuando l'alcuentru entró na recta final. Antes del minutu 90, Borja Sánchez foi baltáu de forma clara na área cuando se disponía a rematar pero l'árbitru, incomprensiblemente, nun señaló penalti magar ser llamáu pol árbitru de VAR y revisar la xugada. El Tartiere nun daba creitu y el duelu entró nos postreros nueve minutos de tiempu añedíu. Bastón tuvo la postrera con un remate que se coló enriba y evidenció que definitivamente güei nun yera'l día.
Derrota inmerecida del Real Oviedo en casa que fai que termine la xornada númberu 37 de LaLiga Hypermotion con 55 puntos y n'octava posición a falta de que concluya la xornada.
