El Real Oviedo asalta Ipurúa y métese na final del playoff

Ganar o ganar. D'esta forma encaraba'l Real Oviedo la final en Ipurúa tres l'empate ensin goles nel alcuentru d'ida apostáu nel Carlos Tartiere. Para esti partíu, el cuadru empobináu por Luis Carrión, que cuntó col sofitu y l'aliendu de dellos centenares de oviedistas que tiñieron otra vegada d'azul les cais de Eibar, formó d'entamu con: Leo Román, Viti, Oier Luengo, Dani Calvo, Pomares, Colombatto, Luismi, Seoane, Borja Sánchez, Sebas Moyano y Alemão.

Empezó bien el partíu para la SD Eibar que mientres los primeros minutos de partíu facer cola posesión del balón énte un Uviéu qu'adulces, y col pasu de los minutos, foi creciendo en Ipurúa. Tres delles llegaes, anque ensin escesivu peligru, pa los dos combinaos, Corpas tuvo la más clara.

L'atacante del cuadru local remató dientro de la área un bon pase de Mario Soriano anque un paradón espectacular de Leo Román embaxo evitó'l primeru. Sebas Moyano foi'l futbolista más activu pa los de Carrión nun primer periodu onde en cantu del descansu Alemão a puntu tuvo de poner el 0-1. El brasileñu nun llegó por poco a un bon centru de Pomares que se pasió pel área ensin atopar rematador. Descansu.

Tres la continuación, Luis Carrión decidió mover el banquín y Paulino de la Fuente y Abel Bretones entraron al terrén de xuegu por Pomares y Borja Sánchez. Ocho minutos más tarde de realizase los cambeos, Alemão se vistíase d'héroe y desamarraba la llocura en Ipurúa. El brasileñu, con una cabezada espectacular, batía a Luca Zidane y ponía el 0-1 nel marcador.

Esi tantu metía a los azules na final del playoff y la SD Eibar yera consciente. Etxeberría realizó un triple cambéu pa tratar d'igualar les coses pero'l Real Uviéu, a la contra, mató'l partíu con un tanto de Sebas Moyano nel 79´. El gol del andaluz ponía tierra pel mediu y escontra llorar de felicidá al uvieísmu que vía como'l suañu del ascensu taba a un solu pasu.

El cuadru armeru entornó na recta final del choque pa buscar un gol que metiera'l mieu nel cuerpu del conxuntu azul anque esi tantu nun llegó. Pitíu final y el Real Uviéu yera finalista del playoff d'ascensu a Primer División. El suañu sigue intactu y ye más real que nunca porque'l Real Oviedo ta a un pasu, o meyor dicho a dos partíos, de tornar a la máxima categoría del fútbol español dempués de 23 años.

L'equipu va volver a los entrenamientos mañana a partir de les 17:00 hores pa empezar a preparar el choque d'ida de la final del playoff que se va xugar esti domingu, a partir de les 18:30 hores, nel Carlos Tartiere énte'l ganador del Real Sporting de Xixón y el RCD Espanyol.